有事？搵法哥！
無論你係誤墮法網，衰咗刑事而被人拉，定係撞車或著工傷唔知點索償，法哥都幫到你！
用人話，講法律，永遠企喺你個邊。
喺香港，唔係每個人都熟法律，
但人生總有機會突然遇上意外、或者捲入官非，嗰下最緊要有人可以用人話講你聽，唔係拗條文，唔係淨係叫你搵律師。
你未必知道自己應該認罪定唔認，應該搵邊種律師，索償應該點樣開始。
法哥會一步一步幫你睇清情況，分析風險同選擇，等你可以有信心行下一步。
法哥係一個法律資訊平台，由鄺曉浚律師管理，用最貼地嘅方式幫你了解自己嘅法律情況。如需法律服務，可透過法哥聯絡鄺律師。
無論你係第一次比人拉，定係工地出事、撞車索償唔知點做，
你唔需要獨自面對——因為法哥，永遠企喺你個邊。
遇上刑事案件？冷靜啲，法哥喺度。
無論你係因為一時衝動打咗人，定係朋友叫你借個戶口結果變咗洗黑錢，
第一次比人拉，好自然會驚、會亂、會唔知點算。
但你要記住：你有權保持緘默，你有權搵律師，你有選擇。
法哥每日都收到唔少人問：
「我啱啱畀人捉咗，應唔應該講嘢？」
「我初犯，有冇可能唔留案底？」
「警察叫我上去再講一次，去唔去好？」
呢啲問題，我哋聽得多，處理得多。
如果你需要法律服務，法哥可以為你安排鄺曉浚律師提供免費諮詢，幫你分析風險、建議方向。
如需更多資訊，可以瀏覽我哋嘅刑事專頁。
需要幫手？即刻填妥以下表格，獲得免費諮詢機會！
工傷／交通意外索償？唔使怕，有法哥幫你爭番公道。
「當時喺地盤跌親，公司唔理，自己又唔識申請賠償。多得法哥陪我搵一個信得過嘅律師一步步教我點做，最後成功攞到賠償，真係好感激！」
李生（35歲，地盤工人）｜工傷個案
「搭的士俾人撞，保險公司拖住唔賠錢。幸好搵到法哥陪我搵一個信得過嘅律師幫我估賠償金，又介紹律師比我，成件事終於有著落。」
陳小姐（29歲，辦公室職員）｜交通意外
「第一次被捕，成家人都唔知點算。我係上網搵到法哥，佢哋教我寫求情信，最後法官判咗社會服務令，冇留案底。」
阿強（化名）（22歲，學生）｜刑事初犯
法哥背後嘅人
鄺曉浚律師 KWONG Hiu Tsun
顧問律師｜香港高等法院事務律師
鄺律師喺跨國律師事務所同保險公司做咗好多年，處理過無數交通意外索償、工傷個案同刑事案件。佢見到太多普通人因為唔識法律而蝕底——有人錯過索償時限，有人被保險公司壓價，有人連自己有權索償都唔知。
所以佢創立咗法哥，用最貼地嘅語言，將法律知識帶俾每一個香港人。「用人話，講法律」——呢個就係法哥嘅初心。
你未必係壞人，可能只係唔小心、唔識法律、比人拖累。
唔好再靠估，唔好再自己捱。法哥喺度，幫你行第一步。
免責聲明：法哥係由鄺曉浚律師管理嘅法律資訊平台，網站內容只係一般法律資訊，並非針對個別情況嘅法律意見。如需法律服務，歡迎透過本網站聯絡鄺曉浚律師。